By «Көлік сервисі орталығы» АҚ Наурыз мерекесін атап өтті
Наурыз – табиғаттың жаңаруы мен жаңа жылдың басталуын білдіретін, бейбітшілік пен жасампаздықтың нышаны болып табылатын қасиетті мереке.
«Көлік сервисі орталығы» акционерлік қоғамында Наурыз мерекесі жоғары ұйымдастырушылық деңгейде және ұлттық дәстүрлерді сақтау мен дәріптеуге ерекше мән бере отырып атап өтілді. Іс-шаралар ұжымдық рухты нығайтуға, командалық өзара іс-қимылды дамытуға және бірлік атмосферасын қалыптастыруға бағытталды.
Мереке аясында Қоғам қызметкерлерінің белсенді қатысуымен мәдени-бұқаралық және спорттық іс-шаралар өткізілді. Қызметкерлер Қазақстан, Өзбекстан және Түркия халықтарының ұлттық тағамдары мен дәстүрлерін таныстырып, мәдени мұраның байлығын және түрлі халықтардың салт-дәстүрлеріне деген өзара құрметті көрсетті.
Іс-шараларды ұйымдастыру мен өткізу толықтай қызметкерлердің өз күштерімен жүзеге асырылғанын ерекше атап өткен жөн. Бұл ұжымның жоғары деңгейдегі ынтымақтастығын, корпоративтік мәдениеттің дамығанын және командалық рухтың мықтылығын айқын көрсетеді.
Қоғамдағы Наурыз мерекесі ұжым бірлігінің, дәстүр сабақтастығының және мәдени құндылықтарды сақтауға деген ұмтылыстың жарқын көрінісіне айналды.
«Көлік сервисі орталығы» АҚ баршаңызды Наурыз мерекесімен құттықтайды және бейбітшілік, амандық, өркендеу мен жаңа жетістіктер тілейді.
Kazakh 
Russian